آفهم انك تموت وما تثير إهتمامي

رفيف: كولي كبر راسك عنود انتي مالك شغل

عنود اسكتت خافت تدخل في المشكله لانهم يتكلمون بصراخ وهي مسويه ثقل هاليومين ما تبي تخرب البرستيج <<اقوول الله من الدلع

مرام : شوفي رفيفووه ترى ضكت لك كثير مسويه روحك شي على ولا شي

رفيف : انطمي انت وجهك الله وعلم مين اللي ولا شي
مرام : ايه ولله الله وعلم وبعدين تعالي وش فيه وجهي مو عاجبك غاثك وجهي لهادرجه

رفيف : ايه ولله غاثني يجيب المرض اصبح وامسي عليه بس تتلزقين فيني يا خيه قرفتيني قسم بالله انتي وجهك

مرام : لا ولله انتي اللي تتلزقين تشوفين روحك فيني استغفر الله

رفيف : لا مشاء الله تعرفين الله وتستغفرين بعد من عقب ما شفت اللي بجوالك شكيت انك نصارنيه على هالصياعه

مرام عصبت منها : رفيفووووووه طلعتي عن حدودك ترى من زمان يبي لك كف على وجهك يصحيك من اللي انتي فيه

رفيف : يا مااااامااا خفت منك صراحه يلا وريني الكف وريني

البنات يتفروجون وخايفين يدخلوا رفيف ومرام كلهم شخصيه قويه وكل الطرفين عنيد نشوف شو صار

مرام : تتحديني عقله الأصبع

رفيف : ايه اتحداك وش ناقصني فوق راسي ريشه انا

مرام رفعت يدها بتسطرها كف رفيف مسكتها : وتمدين يدك تقل بزر يالبزرحركات اطفال هاذي اذا ما كنت تعرفين هالشي . . رفيف ومرام بدوا يتضاربون اللي تمعط شعر الثانيه وللي تضرب واللي ترفس

: بببببببببببببببببس خلااااااااااااااااااااااااااااااص انتي وياها يكفييييييي <<صراخ كسر البيت

دخلت شعرها منكووووش وجها اصفرررررر من اللي شافته وبقايا اثار دموع وعبايتها الكتف متوسخه غبار ومقطعه من تحت وغطوطتها فوق كتفها وشايله جزماتها بيدينها وشنطتها مجدوعه جنبها شكلها كان كأنها شحادته بس شحادته تقطر ملللح بس شكلها كانها توها شفيانه من مرض او بدايات مرض سمر ايوه سمر دخلت من الباب الخلفي عشان بتسوي لهم مفاجاءه لاكن انصدمت من المفاجاءه اللي مسوين لها مو ذولي بنات خالاتها كانوا يموتون على بعض ومترابطين لأبعد حد ومستحيل وحده تجرح الثانيه ولا البنات الباقي جالسين وقاعدين يتفرجون متوقعه تدخل تلقاهم يوسعوا ضيقتها من اللي هي فيه يرزقصوزن يغنون مسوين سهره حلووه ما توقعت هيك

اروى : سمر حياتي . . .مشتاقه لك ((ضمتها ))

اروى بدت تبكي من شوقها لسمر بس سمر بدت تبكي من التفكك اللي صاير فيهم هي فيه من يوم ما قالت رفيف النصارنيه ومش عارفه شو طار عقلها تفضح بروحها الثانيه كيف هي تركتهم وهم يموتون على بعض وكل وحده مستعده تضحي بأغلى ما عندها عشان الثانيه كيف صاروا كذا

جت عنود وضمتها برضه وبدت تبكي ومرام ورفيف كلهم مشتاقين لها

مرام : نحفانه ليه ما تاكلين

سمر حاولت تتناسى الموضوع : ههههه مسويه رجيم يا حياتي قبل العرس عنود مشاء الله طيلانه وطالعه قمر عليك جسم يا بنت الأيه ولا بنت ليل

عنوود فرحانه بسمر ومزحها اللي لك عليه : هههههههههههه وجع وش قالوا لك

رفيف دارت على نفسها : وانا ما تغيرت

سمر : هههههههههه زدتي قصراً يا فتاة العرب

رفيف : ههههههههههه حطمتيني

سمر : لا يا ويلك امزح معك لا طايله من اول بس مو كثر ما طال شعرك يالهنديه

رفيف : هههههههههه

سمر : اروووى حبيتي وزوجتي (( ضمتها ))

عنود : هههههههههه تذكرين يوم نزوجك انتي وياها ونسوي عرس وطق طقه ودنيا ويدخل باغلط علينا فيصـــلـ ...(( تلعثمت )) هههههههه تذكرين هههههه <<<بس رقعتها

سمر تسوي نفسها ما انبهت : هههههههههه ايه بس مشاء الله زوجتي سمنانه اروى انحفي ولا بطلقك ههههههه

اروى : هههههههههه يا ويلك هذا وانا مسويه رجيم

مرام : اتركي اروى ليث ذاك الأطخم هو اللي ناحف نحف مو طبيعي صاير اطخممم ولا تاركان

سمر : وعووه تاركان ذاك الخنثي استغفر الله وش جابه له ذاك عربجي

رفيف : ولله يا سمر انه صاير يجنن

عنود : ترى اخت الأطخم موجوده

سمر : هههههههههههه سواليفكم ما تقضي بروح لأمي لي سنتين ما شفتها وجايه اسولف عندكم

ما التفتت الا فاطمه بوجههها

سمر : يمممه

فاطمه : سمرر

سمر ركضت بقووووه وطاحت في حضن امهاا سنتين ما شفتها انتلت جلابيه فاطمه من دموع سمر

سمر مبين انها تعبانه حييييييييل

ام محمد تهمس لأم ام ماجد : وش القصه سمر ضعيفه ونحفاااانه مرره عن اول صايره مصلااا تقل تشوفين النتفه رفيف

ام ماجد المشهوره بالأشاعات : تهقين صاير لها مشاكل مع طلال

ام محمد اردى منها : ايه ولله مو بعيده

ام بدر تسمعهم : اصلاَ ما عاشت معه شهر ولا اسبوع عشان يصير لها مشاكل

ام ماجد : اجل وشفيها

ام بدر : ما تدرين عن ضروف البنت يمكن ما نامت لها اكثر من يوم او تعبانه مسخنه وش يدريك انتي لا تقعدين تبلين على البنت

ام محمد سكتت داريه ان ام بدر بتسكتها : طيب تعالوا نسلم على البنت

ام ليث : ههههههه يا ليت بس مو راضيه تفك امها

ام سمر : خلو ضناي خلوها لي سنتين ما شفتها

سمر وهي بحظنها : يمه بنام عندك الليله في بيت جدتي

ام سمر : هههههههههههه بيت جدتك بعناه يا يمه اللحين كلنا ببيت خالتك ام ليث

سمر : يؤ ليه

ام سمر :ارضه غااااليه وشرتها الحكومه بمليونين وتقاسمنها في المحكمه

سمر : طيب ديام هيك في بيت خالتي سهام احسه صغير علينا

ام ليث : لا يا يمه وسعته صار اربع فلل وحده للقعده والحش والمطابخ وغرف الضيوف وفيه جناح لشغالات وفله لشباب ينامون فيها وفله لنوم فيها غرفنا وغرفكم وفله لسواقين

سمر : يؤ يؤ يا خاله ليه متعبه نفسك كذا صدق لا قالوا الهوامير في نعمه الله يكثر خيرك

ام ليث : ههههه يا حبي لك يا سمر اذا ما عطيت اهلي مين اعطي وبعدين كله من دعواتكم

سمر : يا خالتي قولي كله من خير المرحوم ابو ليث ومشاء الله عليك انتي صرتي كفو وغطيتي على مكانه في الشركه

ام ليث : سمر محد يغطي على مكان المرحوم واذا كان على الشركه كله من فضل الله ونعمته

سمر : الله يديم الخير . .

فاطمه : يمه سمر جوعااانه ؟ . .

سمر : ايه بالله يمه ميته جووع

ام ليث سهام : دقيت على المطابخ بيجيبون لنا الفطور اللحين عشر دقايق

سمر :احللللى كشخه ولله

مرام : سمر تعالي نوريك البيت على ما يجي الفطور

سمر : مريومه حبي بقعد مع امي من زمااان عنها

مرام : اوكي براحتك قلبي

فطامه : تعالي يمه سمر

ام ماجد : وش دعووه سمر حتى حنا مشتاقين لك . .

سمر : أي نوو أي نوو خالتوو بس امي مشتاقه لها اكثر منكم هع

الحريم : ههههههههههه

سمر: ههههه الى هادرجه دمي خفيف

اروى : سمر ترى حنا في الدور الثاني اول غرفه شمال

سمر : روري عاد كني بعرف بس ان شاء الله حبي

اروى : ههههه يالب قليبك اشوفك فوق بعد عشر دقايق سامعه عشر دقايق بس

سمر : اااف يا هل الحريم يهقن اعوذ بالله ليتي ما اعرست

اروى : ههههههههه ايه ولله ابرك لك

سمر: اقوول طسي مع رفيقاتي ترى اتزوج عليك سامعه

اروى :ههههههه سم

سمر قعدت مع امها فاطمه في الغرفه المقابله لغرفه الضيوف غرفه هاديه ورمنسيه وحلوه للقعدات الهاديه

فاطمه : هاه يا بنتي وش اخبار رجلك وش اخبار ابوك واخوانك من ابوك

سمر : يمه تكفين ما ابي اتكلم بأ ابوي انا ما صدقت افتك منه

فاطمه : ولو يا بنيتي هذا ابوك

سمر : تدرين يمه لو يدري بسالفه المليونين كان جاء يحب رجولك عشان ترجعين له ويلهط الفللوس

فاطمه : سمر انا ما ربيتك على كذا يا بنتي

سمر : يمه اللي شفته مو هين ياخذني وهو ما يبيني بس عشان يغثك وش هالعواجه

فاطمه : يمه خلاااص هدي قولي وش صار برجلك

سمر : متزوج . .!!

فاطمه : ههه ادري يا يمه انه متزوجك

سمر: ايه ايه متزوجني . .ويحبني ويموت علي بس انا ما ابيه

فاطمه : وراه يا بنتي

سمر : ما احبه ما يعجبني

سمر تكلم نفسها : ولله انه حليل وكنت متقبلته بس المكالمه ما تنبلع ابد

فاطمه : طيب دامه يحبك ويموت عليك ليش وجهك اصفر وعباتك مغبره ومقطعه وحالتك اعوذ بالله تقل شحاته

سمر : هههههههههه يمه تكفين تدرين لي يومين ما نمت وما اكلت شي وعباتي مغبره عشان بنشرنا وقعدت حوالي ساعه في السياره وعشانه مشقوقه لا تفهمين غلط ما سوى لي شي بس طحت على حصاة وانا امتشى في البر يوم بنشرت السياره

فاطمه : ههههههه الله يقطع شيطانك مين اللي مفهمك سوالف العرس قبل لا تعرسين

سمر: ههههه صديقاتي مصادقه بنات دشير

فاطمه : ههههه عاد ودشرتي

سمر : لا لا اضل بنتك المطوعه بس اخاذ منهم هالعلوم بس

فاطمه : طيب . . .

الخدامه دخلت عليهم : مس سمر مسس سهام كلام انتي كم ايتينق بريك فست

سمر : اوكي

فاطمه : نسولف بكرا تعالي نفطر

سمر : ايه ميته جووع ونعساااانه حدي

((شايفين فاطمه كيف قريبه لسمر وتتقبل كل شي منها كأنهم خوات لانها بكرها ووحيدتها واخوان سمر الباقي من ابوها وكثير قاسين عليها ))

افطرت سمر او بالأأصح تعشت وتغدت وافطرت ورتها الخدامه غرفتها ونامت وهي تبغى ترتاح . .

اول شي صدمه طلال بعدين صدمه حاله بنات خالها بعدين صدمه البيت وصدمه فيصل والبكي اللي بكته

اربع صدمات في يوم واحد وجوع وتعب عاشته سمر ذاك اليوم . . .

انتهاء الفصل الرابع

الفصل الخامس . .

عادة في الأجازه كل الخالات يتجمعون في بيت ام ليث وينامون فيه ويسافرون احياناً مع العيال اما ابوفيصل فمتوفي الله يرحمه مات وعمر 80 سنه وابو ليث توفى في سكته قلبيه لما هبطت الأسهم وابو ماجد يشتغل في الجمارك وقليل ما يجي لرياض وابو بدر وابو محمد وقت الأجازه يصيروا في القنص مع ربعهم اما في اوقات الدوام فكلهم يرجعوا بيوتهم الا ام سمر وام فيصل واحيان ام ماجد اذا صار زوجها مو فيه وبعد ام محمد وام بدر يعني جيات وروحات على بيت ام ليث

((للمعلومه ام فيصل اكبر خواتها ومتزجه اولهم واصغر الحريم فاطمه ام سمر ))

1 الظهر مساء الأحد

ام ماجد وام محمد وام بدر وام ليث وام سمر وام بدر وام فيصل فاطمه ومعهم رفيف واروى في الصاله يتغدون مع انه فيه طاوله طعام فخمه وكبيره الا انهم فارشين السفره على الأرض ما تعودوا على الهياط ويحسون الارض اكرم واريح

ام ماجد : اقول رفيف وين مرام وسمر وعنود

رفييف : مالها ربع ساعه قايمه وتتسبح الحين وسمر ما ادري عنها لانه مرام معي بنفس الغرفه وقالت لي انها بتتأخر . .

ام محمد : سمعت انكم تخانقتوا امس

اورى : وعنود طلعت من الصبح تقول رايحه السوق . .اقول يمه وش دعووه ما سمعتوا صراخهم . .

الحريم كلهم ناظروا سهام ام ليث وعيونهم تقول كيف تخلي بنتها تطلع على كيفها كذا والبيت كله نايم من الصبح بدون ما نستأذن وبدون ما تقول لأحد

ام ليث بكذب : ايووه اروى قالت لي هي امس وانا جهزت السواق مع زوجته . .

رفييف طنشت ما يهمها : خالتي ام محمد ولله كنا فاضين وطفشانين كلنا نتهاوش

ام ليث بصرامه : اسمعي رفيف حركه امس ما ابيها تتكرر سامعه

رفيف : خالتي ولله لحظه طيش وبعدين ما بيني وبين مرام شي هي اختي واكثر من اختي بعد

اورى تذكرت سالفه لما رفيف قالت الصياعه اللي بجوالك وقالت في نفسها : معقووله مرام تسويها ولا يمكن رفيف تبي تتبلا على البنت وحتى لو كان صدق معقوله رفيف تفضحها كذا

اروى تهمس لرفيف اللي جالسه جنبها وبتشوف رده فعلها : رفيف وش قصت الصياعه اللي بجوال مرام اللي قلتي امس

رفيف بنفس الهمس : أي صياعه وش قاعده تقولين انتي

اروى تهمس : يوم تتهاوشين مع مرام وتقولين صياعه اللي بجوالك كأنك نصارنيه

رفيف : بعدين اقولك سالفه طوويله

ام بدر : وش قاعدين تتساسرون انتم

اروى : ولا شي خالتي . . قاعدين نقول مشاء الله الغداء زين اليوم

ام محمد : ما قلتوا لي وين سمر

احلام دخلت عليهم وجلست تغرف لها :توي داخله عليها نااااايمه وشكلها تعبانه

ام سمر : تعبانه ؟؟ لا ما ظنتي انا كنت عندها بالليل

احلام : ولله مدري شفتها من بعيد بس

ام سمر بروح اشوفها ..

ام ليث : اقعدي يا فاطمه كملي غداك انا ارسل الخدامه

ام سمر : لا ولله بروح اشوف بنتي

راحت وطنشتهم

دخلت على غرفه سمر الشنط مرميه ومكومه عند الباب حوالي ثلاث شنط كبار وش حاجتهم مدري شكلها مطوله . . ببيت خالتها والغرفه نفس ما هي بس الزياده انه في شي صغيرعلى السرير . . . سمر ناااايمه بهدووووء

قربت منها فاطمه وجلست على طرف السرير : سمر . .سمر ..

محد رد عليها

حطت راحتها على راس سمر حرارتها معتدله ما فيها شي

فاطمه : الحمد الله

قصرت على المكيف وغطت سمر وسكرت الستاره زين طلعت وسكرت الباب بهدوء وراها

وهي طالعه شافت مرام بوجهها طالعه من الغرفه اللي قبال غرفه سمر اللي هي غرفه رفيف ومرام . .

مرام : صباح الخير خالتي

فاطمه : هلا يمه انزلي تغدي

مرام : لا مالي نفس خالتي بسوي لي نسكفيه واتمشى في الحديقه

مرام كانت لابسه تنوره الا نص فخذها جينز وتحته سترتش ملون اخضر واصفر وبرتقالي
ولابسه حفر اخضر وعليه صوره تويتي الاصفر كبيره وتحت الحفر تيشرت برتقالي فاتح الى نص ذراعها وشعرها مجعد زي ميريام فارس بس هي على أقصر الى نص ظهرها . .

نزلت . .

مزاجها مو رايق مرره

:مساء الخير كلكم

الجميع : مساء الخيرات

ام فيصل اللي هي اكبرهم . .

ام فيصل : عيال هالوقت بدال ما تقولين السلام علكيم ورحمه الله

مرام مالها خلق تتكلم : معليش خالتي المره الثانيه

دخلت على المطبخ

تيسي سوي لي نسكافيه بسررعه

تيسي : اوكي

. . . . . .

عنود في السوق ..

بما ان البنت متفتحه وتسافر برى كثير فمتعوده على التفصخ وتحسه شي عادي

متلثمه ولابسه عباة كتف شكلها ملفت ومو قصدها تغازل او شي بس هي تفكيرها بريء نوعاً ما

ركبت مع السواق . .

عنود : بشير روح مشغل . . هذا فيه انا دايم روح

بشير : اوكي مدام عنود . .

..

سمر فتحت عيونها حاطه راسها على مخده نااااعمه وضامه مخده ضغيره في يدها والفراش كله فوقها بس راسها اللي طالع

شبعت نووم لها اكثر من عشر ساعات نايمه
شافت جوالها مكالمتين من طلال ورساله

فتحت الرساله . .

كل الحكاية اشتقت لك . .

سمر في نفسها : هههههههه يستهبل طلال ولا وش قصته . . خليه يروح لم مرته يستانس شووي

دق الجوال ما ردت

دق ثانيه ما ردت

كان طلال بس مالها خلقه ما صدقت تفتك من وجهه

تركت الجوال طلعت لها ملابس ودخلت تاخذ دش

طول الوقت كان جوالها يرن وتسمع صوته وهي تحت الدش . .

مرام في الحديقه مليااانه ورد انوواع والوان والارض كلها بساط اخضر ومراجيح للبزران مع انه ما فيه اطفال كثير بس لو لشكل هاذي الحديقه الخلفيه لفله الحريم . .

كانت جالسه على الكرسي الهزاز تروق اعصابها والنسكافيه بيدها وهدوووووء وجوو ولا ارووع رااايق لأبعد حد وتغني . .

إنت مو قد الكلام . .كل يوم ولك كلام . . إنت تلعب بالقلوب . . إنت جاهل بالغرااام . .

عند الحريم

ام محمد : يا بنات ارقوا فوق في صالتكم محمد بيجيب الأغراض وبيدخل يسلم على خالاته ..

رفيف : ان شاء الله خالتي بس ما فيه احد الا انا عنود طالعه وسمر نايمه يعني بنتك بترقى معي مالي شغل <<وش اللي خالاها تنسى مرام مادري >>

اروى : ههههه اكيد يا قلبي

اروى ورفيف رقوا فوق وجوا بيدخلون على سمر مقفله ومبين انها مشغوله

سمر طلعت من الحمام البارد اللي رجع لها نشاطها بغت تكشخ في هاليوم امس جتهم حوووسه كأنها شحاته وهي لها سنتين ما شافتهم

طلعت من الحمام جسمها وشعرها مبلوولين ولافه الفوطه على جسمها طلعت من الحمام والجوال يرن طلال

سمر : يووه وش يبي هذا

ما ردت وسفهت الجوال وقعدت تلبس . .

بنطلون اسود ستان وضيق ولابسه فوق بلوزه أسوود ووبألأطراف ترتر ذهبي وواسعه واكتاف البلوزه نازله يعني فتحت الصدر واسعه واكتف سمر طالعه عن البلوزه جعدت شعرها وبما انه ناعم وما تيجعد صار مموج وطالع حركه سوت بوف من ورى ونزلت غره كثرت الكحل الأسود على هدبها وكثره المسكرا عشان تكثف رموشها شدو ذهبي خفيييف وحمره وقلووس شكلها مبالغ فيه بس تبي تغطي على الحوسه اللي كانت فيها امس لبست كعب النازل اسود وطلعت . .

لا لا لحظه رجعت تذكرت شي وش تذكرتي يا سمر

ناظرت الجوال رسالتين من طلال فتحت الأولى

سمر ردي ولله مشتاق لك . .

سمر في نفسها : ههههه من جد يتكلم هذا امداه يحبني بيومين شكله ناوي ينفذ خطته ويخليني احبه هيهااات يا بابا

فتحت الرسالة الثانيه . .

ترى بزعل اذا ما رديتي . .

سمر : ولله يا انت ناوي تلعب فيني يا طليل بس انا اللي بخليك تمووت علي تشووف

دق دق وما ردت

بعدين ارسل

فتحت راسلته . .

ترى هاذي آخر مره احذرك . .

سمر : هههههههههههههااااي تشووف يا ابن الأيه

فتحت رساله جديده

كتبت. .

آآسفه اذا ما رديت عليك بس ولله مستحيه منك

طلال في المجلس عند ربعه حمود وخالد وعبد المجيد هذول اقرب شي له من اللي في القعده بس اللي في المجلس واااجدين نصهم يشوفون مبارات الهلال والنصر ونصهم يلعبون بلووت وطلال وربعه كان مع اللي يلعبون بلوت الا عبد المجيد كان يعشق شي اسمه هلال

ويتابع المبارات مع الشباب

بالله عليكم هذا جو يدق فيه طلال على سمر ههههه شكل طلال ناوي نيه

جته الرساله . .

فتحها بعدين ضحك ضحكه قوويه سكتت كل اللي في المجلس واحد من اللي يشوف المبارات . .: اقوول يا اخووك تراك مو لحالك هنا فيه ناس بتشوف المبارات

طلال وبقايا ضحك على وجهه: تراكم ابلشتونا انتم والمبارات كل يوم طالعين لنا ببمبرات ويقولون مبارات حاسمه اااااف قررف

طنشهوه وكملوا المبارات

رد على سمر :

وقسم يا سمر قسم اني لا ازعل

ردت سمر :

هههه عادي

رد طلال : يعني اهون عليك

ردت سمر :

امم لمست الجرح شوف برد بس بشرط ماراح اقول ولا كلمه انت اللي تكلم . .

طلال انبسط على سمر :

يالله نشوف آخر الحياء

دق . .

ما ردت قفلت الجوال وطلعت

سمر : ههههههههااااي على باله خاااقه عليه ولله لا اهبل فيك يا طليل انت ومرتك لمين تطلقني . .<<مسكينه ما تدري انه يتعلق فيها بهالأسلوب >>

طلال دق مره ثانيه الجوال مقفل . . استغرب بس قال في نفسه : وراك وراك والزمن طويل

طلعت سمر شافت البنات في الصاله

اروى : هلااا بالعرووس مساء الخير تدرين بيأذن العصر وانتي توك تطلعين

رفيف : وش هالحلاااوه يا بنت طالعه تهبلللللللللللللين تو مابان جمالك

سمر من النوع الخجول قالت وبلهجه مصريه ودلع : بس بتكسف !!

رفيف تتنهد تسوي ذايبه : ارووح ملللللح على الدلع

اروى تضرب رفيف من كتفها بمزح : بس انتي الرجال متزوج

سمر : ههههههههههه نسيت اني رجل وقمت الدلع

اروى : عادي عادي كاثرين الخنث بقول بمجلس الحريم رجلي خنثي وافتخر

سمر : غريبه وين مرام وااحشتني الدووبه . .

رفييف : ايووووووووه مرااام نسينا نقولها انه محمد بيدخل

سمر مستغربه : محمد بيدخل يعني ماني قادره اسلم على خلاتي واقعد معهم امس تعبت صراحه وفشله على طوول نمت ..

اروى : ايه سمر امي تقول انه اخوي بيدخل يجيب الأغراض ومدري ايش وش اغارضه مو عارفه . .

رفيف: ومرام تحت في الحديقه

سمر : يووه مسكينه احتمال محمد يشوفها

رفيف : ههههههههه يتجي تركض تقولنا وش صار ريحوا بالكم . .

مرام نفس ماهي وتغني بروقاااااااان

إنت مو قد الكلام . . كل يوم ولك كلام . . إنت تلعب في القلوب . .إنت جاهل في الغرام . .

محمد سمع صوت رااايق حلوو ناعم يطرب يسلطن من حلاته وبما انه محمد نسونجي نوعاً ما فما تنحنح ولا شي استغل الفرصه . .

دخل عادي
حست انه فيه احد يمر وسمعت صوت خطاوي اقدام رفعت راسها لأنها كانت تناضر الأرض توقعته احد الخدامات او شي لما رفعت شافت واحد طووويل ونحيييف واسمر ما دققت فيه زياده بس صرخت ودخلت جوا بسررعه . . هو تنح مين هاذي تهببببل ما شافها من قريب بس من بعيد ومرام من بعيد تطيح الطير من السماء كأنها لبنانيه بلبسها وشعرها

محمد في نفسه : اكييد بنت احد الحريم اللي يزورون خالاتي اااحوووك تههههههببببببببل . .

مرام دخلت الفله ورقت على طول فوق تبي تدخل . . غرفتها بجد وقاااحه وواقف يناضر ولا تنح نح ولا شي يعني وقاااحه درجه اولى

كان مبين على وجهها مصفووق ومحمررر مبين انه صاير لها شي ما تبي احد يدري بس هيهااات يا مرام اكبر فضيحه بالعالم محمد ما طلع على اخته الله يصلحه

لما رقت فوق شافت البنات قاعدين سفهتهم ودخلت غرفتها وقفلت . .

رفيف وبطريقه عربجيه متركيه على نص ضهرها اللي فوق وحاطه رجل على رجل بس بطريقه رجوليه : شفتوا نفس ما توقعت شايفها

سمر : يووه شفتوا كيف وجهها احمر يا قلبي

اروى : يا عمرري كل هذا سواه اخوي

سمر : لا تتفألين يمكنه ولا شي من اللي تفكرون فيه

ام محمد : يلاا يا بنات انزلوا محمد طلع

رفيف : نو نو سمر شايفه محمد

سمر : ولله مدري الله وعلم

اروى : بروح اناديها اسبقوني . .

سمر ورفيف : اوكي

اروى تدق الباب : مرااام افتحي . .

مرام : هلا اروى تبين شي . .

اروى : كل الحريم تحت وامي تنادينا شكل في شغله لنا تحت وتعالي بنهوبل ونرقص ونسوي حفله عشان زواج سمر

مرام : اووكي دقايق ونازله

اروى : ممكن ادخل ولا تبين تقعدين لحالك

مرام : لا يا حياتي انزلي انبسطي معهم . . اللحين جايه

اروى : على راحتك اشوفك تحت . .

مرام : اووكي

مرام دخلت الحمام اللي جوى الغرفه غسلت وجهها وعادت مكياجها الخفيف ونزلت ما تبي احد يدري باللي صار

ههههههههه يا قلبي هي ما تدري انه رفيف وسمر واروى دارين باللي يبي يصير لها قبل لا يصير لها

طلعت من الغرفه حطت رشه عطر برتني تموووت فيه عطرها المفضل تحسه يناسبها . . نزلت وهي بالدرج اللي في الصاله يشوفونها

ام بدر : مراااااااااام شكلك بتنخطبين يمه

ام ماجد : ايه يا حياااتي هي تطيح الغتر من حلاته

مرام في نفسها : خخخخخ وش يبون ذولا ناقصتكم انتم بعد

ام محمد : ولله يا محمد منجننننننننن علللللليك

مرام تسوي غبيه : مين محمد ولدك يا خاله متى شافني

ام محمد : شافك بالغلط وانتي بالحديقه وطاااير عقله يقوول مين بنته المزيوونه اللي برا

مرام حمرررت غدووودها اكثر من اول

ام محمد : ويحسب احد بنات صديقات خالتك ام ليث ما تذكرك

مرام : ههههه شوفي خالتي انا ما اذكر من من محمد الا اني كنت اتهاوش معه ايام حنا صغار ويوم شفته تو غصبن علي على بالي احد السواقين <<<تحطييييم يا مرااام \

ام محمد طيرت عيونه

مرام سفهتها وفي نفسها :وش تبيني اقول اتغزل بولدها قدامها ولله حاله

مرام قعدت مع البنات في الصاله وجنب رفيف . .

رفيف تضربها مع كتفها : احللللى احللللى منهبل عليك الولد

مرام : رفيف ممكن تسكتين ترى نفسي بخشمي

اناحطيتها عشان انااقراها لأنوشفتها في منتدى ثاني موواضح الخط وظبطتووه هنا واللي يبي يقراها يقراا عجبتني مررره

اروى : وش دعووه قاعدين يمدحونك انتي وتقولين نفسي بخشمي

مرام : نفسي من إطراء خلق الله غنيه . . ماني محتاجه مدح احد

سمر : اتركوا البنت خلاص متضايقه . .

مرام مزاجها متعكككككر اليوم مرام عموماً مزاجيه بحته يعني لو كل افراح الدنيا فيها يجيبها يوم كذا مالها خلق . .

سمر: اقوول خالتي ام محمد يقولون مجهزه لي مفاجاءه

ام محمد : هههههه اعرفك انتي تمووتين على هالخرابيط بس ماني فاتحتها الا اذا جت عنود أذن العصر وهي ما جت

رفيف : وش دعووه خالتي حنا مالنا كرت

ام محمد : ههههههه انتم الحلى والزين بس لا صرتوا معاريس

رفيف بمزح تسوي مغروره : لا لا اذا صرت عرووس ماني عندكم عند عماني

ام محمد : ههههه ايه هين مردك لنا

ام ليث : يمه اروى دقي عليها قولي لها تجي . .

اروى : ان شاء الله خالتي. .

عنود : اهلييين

اروى : وينك انتي تدرين لك كم برا البيت

عنود : ليه كم الساعه . .؟

اروى : شوفيها

عنود : يوووه خمس العصر دقايق وانا جايه

اروى : اوكي استعجلي مع السلامه

عنود : اووكي يالله بااي . .

. .

. .
ام محمد : بنات وش رايكم اذا جت عنود تطلعون مشوار

رفيف : ايه ولله عشان حبيبتنا مرام تروق

ام محمد : حلووو

على ما تجي العنود نشوف طلال . .

دق جواله شافه my love

طلال : يوووووه وش تبي هاذي

دقايق شباب . .

طلع من الخيمه الشعبيه اللي في الأستراحه . .

طلال : خيررررر

: مرحبااا طلال انا ولدت

طلال : وووجع مو قلت لك صقطيه

: لا انا بدي اياه

طلال : مو على كيفك بدك اياه ولا ما بدك اياه انا قلت لك سقطيه ليه ما سقطتيه

: انت ما بدك طفل مني

طلال : اسمعي يا بنت ما ابي منك ولا ابي من غيرك انا متزوج اللحين وبشهر العسل ما ابي ازعاج ودق دقه علي سامعه ورقمي هذا انسيه

: يعني ماراح تجي للبنان

طلال : لا ماني جاي اصلاَ انا ما ابيك . .

: طيب ازا ما بدك ياني ليه ما طلقتني

طلال : مالك شغل فيني يا شيخه انا حرر اطلق اللي ابي واتزوج اللي ابي وانا يوم تزوجتك كنت طالع سياحه مع ربعي وبصراحه عجبني شكلك من برا بس كنت ما ابي شي بيننا يصير بالحرام . . وووبس ما ابيك ولا احبك ولا عمري فكرت تصيري زوجتي واذا بتضلين تدقين بغير رقمي فضفي احسن لك . .

: طلال ولله زي ما خربت عيشتي لأخرب عيشتك . .

طلال: ههههههااااي يا ماما خفت

: اخي ألي انو دق عليك لما كنت في المستشفى وانوا حدى رد وما تكلم . . وانو ظل ساعة يتلكم وما حدن بيرد وتسكرت السماعه بوشه

طلال : ايه هذا انا كان مالي خلقك قلت اضحك ربعي عليك . .

: طلال اتخيل قد ايش راح اخرب عيشتك . .

طلال : ايه ان شاء الله قبل لا انام بتخيل . .

سكر السماعه بوجهها

معقوله سمر هي اللي ردت راجع الجوال والمكالامات شاف المكلامه المستلمه ومدتها وبأي وقت وعرف انه سمر ردت عليه

طلال في نفسه : اهااااااا عشان كذا كانت شوي تضحك وشوي تكشر يا عمري يا سمر لازم اتصرف . .

...................................
.................................................. .

يا ترى مين حب طلال الأول يعني my love مو حبه ؟

وايش قصته مع غابي اللي دقت عليه ؟

عنود ليه تأخرت على البيت كل هالوقت شو تسوي نص اليوم برا ؟

وش قصه الصياعه اللي قالت عنها رفيف في جوال مرام ؟

مين راح يغلب الثاني سمر ولا طلال؟

محمد عاجبته مرام الى هادرجه شو التطورات اللي بتصير ؟

ليث مختفي هو وفيصل ما زارونا في البارت هذا وش قصتهم يا ترى ؟

تابعوني في البارت السادس . .

قراءة ممتعة ودمتم سالمين

البارت السادس لعيونكم

فيصل : ماكان مفروض تجي هنا

ليث:ما تخلي بنت لا راحت ولا جت تأثر فيك

فيصل: ليثووه انت من متى تدخل في خصوصياتي هااااه

ليث : من يوم ما عرفت وش فيك فيصل ارجع للقصر ترى الكل يسألون عنك والأشاعات شغاله في بيت امي

فيصل : ما همني احد سامع لا اشاعات ولا غيره انا ابي ارتاح كم يوم وبس وراجع وخلي يقولون اللي يقولونه

ليث : ترتاح في حفله زواج سمر فيصل ما يصلح كذا ولله مو زين عشانك

فيصل : يا ليث انت مو مقدر الموقف مو مقدر . . كيف بيكون وجهي ساعاتها وانا ابارك للبنت الكل راح يكون متنظر رده فعلي واولهم هي . .

ليث : فيصل شوف روحك شوف كيف نحفان وصحتك متدهوره عضام وجهك بارزه من التعب انت قاعد تدمر نفسك بهالطريقه داري ولا ما دريت

فيصل : . . . . <<ما يدري وش يقول ما ينشره عليه

ليث : طيب ليه تهرب في فنادق ولا وين في الدمام مستخف انت

فيصل : احمد ربك ترى بغيت اطلع عن الحدود من هوول الصدمه

ليث بتريقه وطنازه : لا ولله وليه ما طلعت ؟ ؟

فيصل بجديه : كنت احسب الجواز في درج السيارة يوم وصلت واتذكر اني ناسيه في البيت

ليث : فيصل لازم ترجع امك قلقانه عليك وامي مو مرتاحه

فيصل: ارجع لهم قلهم صديقه توفى في جدة ويبيروح يعزي اهله وانتهى الموضوع ليثووه لا تقعد تتغيبى علي لو بغيت تدبرها دبرتها اعرفك ززين

ليث : طيب لو قلت لك ان احلام اختك تبي تشوفك

فيصل يناضره من فوق لتحت : لا ولله صارت تبي تشوف وجهي اللحين

ليث : شوف فيصلووه ماني راجع الا وانت معي

فيصل : دام كذا أستأجر الغرفه اللي جنبي او حيااك معي في الشقه ترى الغرفه الثانيه فاضيه وانزل تحت جب لك كم ثوب وبدله لأسبوعين

ليث : ما منك فايده راسك يابس طيب على الأقل كلم امك

فيصل : في هاذي صادق انا لازم اكلمها

ليث يستدرجه : طيب انا طالع اتمشى على البحر تعرف ما فيه بحر في العاصمه تجي معي ؟ ؟

فيصل : ايه ولله بس احس بهالرطوبه ولا اشوف البحر

ليث : حلوو دام كذا رح غير ثوب البيت المصفر هذا وتعال احتريك تحت

فيصل: لا اللحين ثوبي صار مصفر . . لا ماراح نروح في سيارتك سيارتك تفششل خذ مفتاح سيارتي شفه فوق التلفزيون وانز وشغلها خل تحتمي على ما بال اغير ثوبي المصفر . .

ليث : هههه ان شاء الله

دخل فيصل الغرفه

وليث دخل الصاله بياخذ المفتاح

شاف جنب المفتاح ورقه سوداء و مكتوب فيها بالأبيض . . I miis you

ليث في نفسه : يووه وش هذا

اخذ المفتاح وطنش الورقه ونزل (( ليث بطبعه امييين وما يحب يطفل على خصوصيات الغير او اشياءهم يحسه يغلط في حقه مو حقهم ))

ماجد وبدر ومحمد في الصاله قاعدين صالتهم المعتاده انوواع الوصخ والقرف الصاله هاذي كل يوم تنضف لاكن قررف العيال لا ينتهي . .

مخدات الكنبات مجدعه على الأرض والشمغ مجدعه وبياله شاهي مدري من وين طالعه واشرطه البلايستيشن واشرطه الأفلام مجدعه ومختلطه مع بعض والديفيدي بعد والفيديو. . والثياب بالأرض وورق البارصة والشاحن والجوالات حوووسه يا ناس وش اوصف وش اخلي وزباله المطعم عقب سهره امس محد شالها والمناديل وقشور الفص فص

بدر: اقوول عيال من زمان عن السوق والطلعه والعوايل وهذا

محمد : ههههااااي ايا الملعوون

ماجد : ايه بالله ودي اطلع اشووف وش اللي منهبلين عليه بهالسوق

بدر : ابو حميد ههههههه مسكين الحجي ما يدري

محمد : ههههههههههه شي عجيب بس انت اكشششششششخ طيب واشحن جوالك عشان البلوتوث بيصير مشغل اربع وعشرين ساعه

ماجد : ههههه يا حليلك جوالي ما فيه بلوتوث

بدر ومحمد : ايييييييييييييييييييييييييييييييش

بدر : وشو جوالك يالقروي

ماجد مستغرب : عندي جوالين واحد لربعي واهلي اللي هو النورس وواحد للنت وشركات الأسهم اللي هو الرهيب

بدر ومحمد : ههههههههههههههههههههههههههههههههههههههههههههاااااا ااااااااااااااي

بدر : اقووول عايش بكهف انت

ماجد : لا ولله عادي اسماء جوالاتي تضحك يعني

محمد : ههههههههههههه ما سمعت ب N70 N72 مع انهم قديماات بس ززين اذا عرفتهم

ماجد : وش دعووه شايفني جاهل يعني اعرفهم بس ما منهم فايده عندي كميرا دجيتال يعني ما احتاج كميرا والبلوتوث للبزرااان

محمد : اقوول يالحبيب تروح تشتري جوال فيه بلوتوث سامع ما تسوى روحه السوق بدونه

ماجد : دام كذا اجيب لكم عشره بس انا انسان جدي ما احتاج لل. .

محمد قاطعه : مهما كنت جدي لازم توقف شوي تتأمل الجنس الناعم

بدر : اووكي انا راح اللبس عشان يتأملني الجنس الناعم مو بس انا اتأمله

محمد وماجد : هههههههههههههه

محمد : اوكي انا بروح البس بعد مجوود البس اكشخ شي عندك واذا صار اللي عندك هراديس وحوووسه رسم والبس ثوب وشماخ كأنك راح عرس

ماجد : ههههه ان شاء الله بشوف اخرتها معكم

محمد : ترى بنمر الجوالات ذكرني

ماجد : طيب طيب بس طس البس

دخلوا يلبسون

عند الحريم

عنود دخلت وعباتها على كتفها والشيله على كتفها وما معها أي شي بيدها بس كيسه سنبون : هااااااااااااااي

الحريم اللي تقول وعليكم السلام من زود الطوع واللي تقول هلا وغلا واللي تقول هااياااات

مرام: احووك توك تجين ولا ما بيدك شي

عنود : كوولي تبن جايبه كيستين سنبون ونسكافيه لكل العايله

اروى وهي تناضر الكيسه : طيب . .طيب . . لا تمنين

عنود: ههههه مرام تعالي ناكل انا وياك ما عليك منهم

ام ليث قربت من عنود وهمست في اذنها : لا تفكرين طلعتك هاذي بعديها كذا

عنود مستغربه على الأخر اخذت ايد امها و سحبتها على الصاله الثانيه

عنود وخايفه تكون امها شاكه فيها : يمه وش تقصدين

ام ليث : تدرين وش اقصد وش عندك طالعه كل هالوقت ولا ما بيدك شي بعد

عنود : moom رحت الصالون اشوف آخار موضه للفساتين الناعمه لسهرات البسيطه عشان البارتي حق سمر وبعدين اخترت موديل وطلعت ادور له قماش حلو وعلى ما اتفقت مع مشغل يخلصه لي بكرا لأنه كل المشاغل تقول بعد اسبوع بطلعه الروح لقيت بعدين طلعت اشوف التسريحه والمكياج اللي بحطه وكل هذا صار بيوم واحد فتخيلي قد ايش لحقت مع الزحمه والدنيا اللي في شوارع الرياض يعتبر رقم قياسي . .

ام ليث وهي في قمه الشك : وش يثبت لي وبعدين ليه ما استعديتي من قبل

عنود فيها اليبكيه من عدم ثقه امها فيها :لأنه بصراحه تو ما دريت بسالفه انه بتسوون بارتي لسمر . . واللي يثبت لك معي فاتوره الفستان

طلعتها لها وطلعت جوالها وكبت كل اغراض شنطتها قدام امها
: خوذي بعد فتشي كل شنطتي ولا تنسين الجوال يمكن فيه شي عيب وانا مدري

عصبت وطلعت فوق لغرفتها وتركت شنطنتها وجوالها وكل اغراضها تحت منثوره
قدام سهام ام ليث . .

دخلت غرفتها وقفلت عليها رمت نفسها على السرير وقامت تبكي عنود تفكيرها برررررريء جداَ يعني عقلها اصغر من عمرها في هالأمور وهي اغلب عيشتها برا فتحس هالشي عادي . .

ام ليث : ييااااااااللللللللللللله على هالبنت بتهبل فيني

ام ليث حنووووونه بس ظروف الشغل والشركة غيرتها وخلتها قااسيه زي الحجر وصااارمه نوعاَ ما . .

لمت اغراض عنود ودخلتهم في شنطتها واخذت الشنطه ورقت فوق لغرفه عنود . .

ام ليث: عنوود افتحييي

محد رد

ام ليث : عنود يمه افتحي

عنود : ليه بتفتشين غرفتي بعد

ام ليث : يا يمه ماني مفتشه شي افتحي ابي اتكلم معك

عنود انسانه محترمه ومؤدبه يعني ما تقدر ترد بوقاحه الا اللي يتويقح عليها فكيف ترد على امها قامت ومسحت دموعها وفتحت الباب وقعدت على السرير بدون ما تناضر امها
ام ليث قعدت جنبها

ام ليث : يمه انا غلطانه المفروض اكون واثقه فيك

عنود : المفروض . .

ام ليث :يايمه لا تزعلين انتي بعد المفروض تستأ ذني مني على الأقل

عنود : آسفه استأذن المره الثانيه فيه شي ثاني

ام ليث : عنود يا بنتي انا ما اسوي كذا الا من خوفي عليك وحبي لك

عنود : ...

ام ليث : يا عنود انا ما ابي اتحكم فيك ولا ابي شخصيتك تكون ضعيفه بس لا تنسين انك من مجتمع شرقي واصلك عربي ومو على كيف الحرمه تطلع وتدخل على كيفها اللي تدخل وتطلع على كيفها يعتبرونها ضايعه

عنود حست امها معها حق

تجمعت الدموع في عيونها وضمت امها وبكت

ام ليث احترمت بنتها وحست هالشي مو في إرادتها لان تربيتها كلها على المجتمعات المتفتحه

ام ليث ابتسمت : بس يمه خلاص البنات يحترونك تحت

عنود : ليه ؟ ؟

ام ليث : بيطلعون للمول على ما حنا ننقل اغراض حفله سمر للأستراحه والبنات يقولون نبي نستهبل ونستانس في السوق دام سمر معنى !!

عنود تتذكر :اااهااا ايووه صح قالوا لي طيب حفله سمر بكرا صح ؟ ؟ ولا انا مخربطه

ام ليث : الا بكرا

سمر دخلت عليهم : وش تحشوون فيه انتم سمعت اسمي

ام ليث : ههههه كيفنا بنحش وش تبين جايه

سمر : اممم ولله يا خالتي حنا تحت منرصين مع السواق لنا ربع ساعة ننتظر مس عنود

ام ليث : هههه طيب انا بنزل للحريم تحت سمر تصرفي مع عنود على كيفك

سمر : اررررحبووو ابشررري

ام ليث : ههههه

نزلت تحت

سمر طبت على العنود وحطت يدينها على رقبتها

سمر : سوف اذبحكي ايتها الخائنة

عنود : لا لا يا انطوني لقد فهمت السالفتا غلط

سمر : لسووف اذبحكي ايتها الحقيرره

عنود : لا لا ارجووك صدقني الفتى الذي في بطني ابنك وليس ابن اليخاندروا

سمر : كاااااااااذبه خائنه سافله لا تستحين على خشتك لقد رأيتك تقبليه في السيب الذي ورى بيت ام علي

عنود : لا لا ارجووك لا تفهم الهرجه غلط هو الذي اجبرني على تقبيله

سمر: هههههههههههههههههه اقوول قووومي بس اشوفك دخلتي جو شوي وتقبليني البنات ينتظروننا تحت

عنود : ههههه ولله انتي اللي داخله جو . . اوكي بسرررعه انزلي انا عباتي علي بس بلبس اللثمه واجي

سمر : وش لثمته يبي لك ساعه البسي نقاب ولا برقع

عنود : اوكي بسررعه اسبقيني تأخرنا والحريم مو طالعين من البيت الا وحنا طالعين

سمر وهي تمشي بتطلع من الباب

عنود : سمر

سمر : هلا

عنود : لا تخبر الخاندروا بالذي حصل بيني وبينك الليله

سمر : حسناً لاكنني سأخبره بأنكي هههههه تحبين سواقكم بشير

عنود : يا حيوااانه ولله لا العنك

سمر هجت ! !

عنود : هههههههااااي تشوفي بالسياره ولله لا اخلي بشير يفحط فيك تفحيط

بنفس الوقت

محمد مرسم ولابس ثووب وشماغ ويتعطر بس ناقصه بخور وبشت ويصير معرس

قاعد ينتظر العيال

بدر طلع ومرسم بعد

محمد : ااااااحلى وش هالكشخه ابو بدريه

بدر: داري داري اني كشخه انشغل بحالك

طلع ماجد

محمد وبدر : هههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه ههههههههههااااي

ماجد يناظر نفسه فيه شي يضحك ولا لا

ماجد : وش فيه يضحك

ماجد جسمه طوووووويل وعرررررريض ودايم لابس ثووب واسمر مفتح شووي يعني هو ابيض من محمد وجهه مربع يعني لاهو دائري ولا هو طويل وشكله رسمي ومرتب كأنه شاعر او ولد هوامير دالايم شكله كذا والجميع متعودين عليه بهالشكل

اللحين طالع قدامهم ولابس بنطلون جنز اسود ووسيع
وبلوزه بدون اكمام سوداء <<مطقم يا حليله <<
ومسوي شعره سبايكي وفاتح ازارير البلوزه

صحييييح شكله خقاااااااااااق يعني طوويل وعريض وعلى جماله يروح يلبس لبس اجانب طالع شي

بس محمد وبدر متعودين على شكل ماجد الرسمي والجدي اول مره يحسون ان عنده حركات نص كم

محمد : ولله يالبنات بيذووبوون عليك يابن الأيه

بدر يضرب محمد مع كوعه : طالع حررركه الولد ولا

ماجد يبي يلفعهم :طيب دام كذا ليه تضحكوون اول ما طلعت

بدر : يالطيب مو متعودين على شكلك كذا طول عمرك يا مرسم يا بسروال السنه ولا ثوب البيت

محمد : دايم البس كذا

ماجد : ولله لو تصيدني الصحافه ان اروح فيها

محمد : اخس يالثقه وش يبون فيك

ماجد : بعدين بتدري مين انا مو اللحين . .

طلعوا وركبوا سيارة بدر هو اللي يسوق ماجد قدام ومحمد في المرتبه اللي ورى التكييف عاالي والميوزك ترزح . .

وصوت محمد عبده مالي السيارة

بدر : أي مجمع تبون ؟

محمد : بما اننا ما شبكنا من زمان اخبر صحارى فيه سوق طيب روح له يمكن تغير الوضع ويمكن لا . .

بدر : حلوووووو

مرام : بنات أي مول نروح والله حيرانه

سمر : انا صحارى مين يصوت معي

عنود : لا ولله صحارى مقررف نبي حياة مول مين يصوت معي

مرام : انا مع سمر

اروى : انا مع عنود

سمر : رفيف هي اللي تختار مين بيرجع عالأكدمية

رفيف : اممم بصراحه حياة مول انووااع الصياعه وصحارى سوقه حلوو خلاص حياة مول

اسمر : حيووواااااااانااااااااات انا العرووس حرام عليكم

رفيف : اااااااف قامت تددلع ذي اوكي صحارى ابدل التصويت

مرام : تدرون شلون الاقرب نروح له

سمر : اقوول عنود اسالي بشير مين اقرب

عنود : ان شاء الله عمتي

عنود: بشير فين اقرب صحارى مول ولا حياة مول

بشير : هزا صحارى مول

سمر : حلوو ودنا لصحارى الخاندروا

عنود : ووجع تشووفين يا دووب

مرام رفيف : وش عندكم انتم

عنود : هااه لا ولا شي

السكيورتي عند الباب وعيا يدخل محمد وماجد وبدر

ماااجد : اااااف يالبلشه

محمد : ما عليك حنا خبره اصبرر

شاف بنت صغيره عمرها تقريباَ5سنين شعرها اسوود وحاطه قرنين وفستاان وردي الى ركبتها ومعها حلاوه كبيررره شكلها كثيررر كيوت

محمد قعد قدامها على ركبه : مرحبااا يا حلووه

البنت : هااي

محمد: تبين فلوس عشان تشتري حلاااوه ثانيه

البنت : يس

محمد : ما اعطيك اياها الا بشرط

البنت : شوو ؟

محمد : تدخلين معي الموول شوي ونطلع

البنت : بس هيك اووكي

مسك يد البنت معه الشباب ودخل. .

السكيورتي : خير ان شاء الله

محمد : انت اللي خير ان شاء الله

السكيورتي : ممنوع دخول غير العوايل

محمد : اوكي حنا عايله هذوول خواني وهاذي بنتي

السكيورتي مع انه مو مصدق بس دخلهم

ماااجد : ااووف يلعن ابوو الخبره يا شيخ

محمد : اعععععجبببك

عطا البنت خمسين ريال : خوووذي يا ماما يلا روحي لأمك لا تضيعين المول كبير

البنت : اووكي . . اخذت الفلوس وعطته بوسه

محمد لما راحت البنت : اوووف البنت اذا كبرت بتطلع طللللقه صااروووخ

ماجد وبدر :ههههههههاااااااي

عند البنات . .

عنود : بنات تحتاجون شي من السوق

كل البنات : لا

عنود: طيب انا ميته جوع دامكم ما تعشيتوا نروح نتعشى وناخذ لنا بعد العشاء فره صغيره على المول عشان الطخمان بعدين نطلع نجيب لنا فيلم وفيشار وعصاير اووكي متفقين احد عنده أعتراض

كل البنات : لااا

عنود : اووكي

مرام : بنات انا ميته جووع ابي مطعم سنع مو خرابيط

سمر : ما عليك وش رايك ببيتزا

مرام : ايه ولله من زمان عنها

رفيف : حلوو اجل دومينوز بيتزا اووكي

سمر : حلوو

راحوا عند المطاعم وطلبوا لهم وقعدوا ياكلون

رفيف : مرام افتحي البلوتوث

مرام: طيب . .

فتحت البلوتوث

مرام : يووووووووووه اجهزه كثيره

عنود : بالله خل نستهبل حطي نك ولد وخلل نقعد نغازل

مرام : هههههههاااي حلووه

غيرت اسمها : : الفارس الملثم

اروى : وش حطيتي نك ؟

مرام :هههههههه الفارس الملثم هههههه

كل البناات :هههههههههههههههههههاااي

مرام: ههه فيه وحده اسمها الفاتنه برسلها : ممكن نتعرف ؟ ؟

سمر: شوفي شبكي كم بنت مو بس وحده عشان اذا ما صدقت هاذي تصدق هاذي اووووكي

مرام : هههههههه لا توصين حريص

محمد : شبااااب شوفوا واحد ارسلي يحسبني بنت يقول ممكن نتعرف

بدر : ههههههههه صحيح جايين نشبك بنات مو عيال بس ما يخالف الأستهبال

محمد : ههههههههه برسله على اني بنت نشوف اخرتها

ماجد : وقسم على بالي ترقيم مثل اول تجدع الرقم على البنت ولا تدق على البيت الثابت هاذي الاساليب القديمه مو هاذي وش يدريك يمكن ولد حاط نك بنت مثل ما انت مسوي او العكس

بدر ومحمد سفهووه وما ردوا عليه

محمد : كتبت له : ايه ليه لا شو اسمك خيووو

بدر : هههههه يلعن ابو الدجه

مرام :هههههههههههههههههههاااااي

اروى : شوو ؟

مرام : تقول ايه ليه لا شو اسمك خيوو

رفيف : ههههه الأخت لبنانيه

سمر : لالا وش يدريك انتي هذا آخر اساليب الكلام هاليومين

عنود : هههه اكتبي له اسمي عدنان وانتي

سمر : ههههههههه تخيلي تقول اسمي اسماء

مرام : سمر ولله يا انتي متأثره بستار أكدمي

سمر: هههه مررره الله يصلح الحال

محمد : ههه يقول اسمه عدنان

بدر : هههههه يا حليله قله اسمي اسماء

محمد وبنص عين : وش معنى اسماء

بدر: لا يرووح فكرك بعيييييد هاذي اللي بستار اكدمي البزر

محمد : اااخس يالكبير . .

ماجد اكبر من هاذي العقلياات بواااجد : اقوول انتم مرره تطفشوون يعني هاذي شغلتكم اذا رحتوا السوق على فكره حركه البلوتوث قددييييمه مرره يعني يا زمن جدي واللي يستخدمونه اللحين يستهبلوون

محمد :لا تعصب يا ابن الحلال حنا نستهبل

ماجد : ما يعجبني أستهبالكم برووح اتفرج على الأسواق والمحلات واشتري لي كم شغله

محمد : براحتك . .

ماجد راح

بدر : اقوول محمد انا رايح اشتري غرض الوالده وصتني عليه

محمد : طيب احتريك بس لا تطول

بدر : ان شاء الله

محمد يتأمل الطاوله ربعه راحوا ما فيه الا هو والجوال اللي بيده شاف على الطاوله جوال بدر ناسيه قعد يفكر ببدر لحظه ايووه بدر اخو مرام اللي شفتها يووه ولله البنت صااايره عذاااب

اخذ جوال بدر وفتش الأسماء مرت عليه اسامي كثير بس طنشهم ما يبي يجي ويشوف الجوال بيده سوى بحث : م

مسميها مرام اختي

تأكد انها هي سجل رقمها في جواله ورجع الجوال

مرام : هههههههه سمر تقول اسمها اسماء

سمر: هههههههههههههااااي

رفيف : هههه ارسلي قولي ممكن توريني مين انتي

سمر: ايه واكتبي بعد لانه اذا ما عجبتني مافاتنك ماني مواصل علاقتي معك

اروى : ههههههههه صدق انكم خبووول

عنوود : الحمد الله عن جد حاجه تشبع

سمر : ايه ولله الحمد الله

محمد بينهي السالفه وبيقوم يدور رزقه واذا مالقى يكفيه القز بس دام جت من الفارس الملثم قال : ززين دام كذا خل يدري اني رجل

كتب : بقلب الجوال لمدة خمس دقايق وانت تعرفني اووكي

وقلب جواله

مرام : تقول بقلب الجوال لمده خمس دقايق وانت بتعرفني بنات دوروا بنت قالبه جوالها . .

سمر :هيييييييييييييييييييييييييييييييي

رفيف: وش فيك

سمر : يا ووويلييي

مرام : وش فيك خرعتينا

اروى : سمر وش فيييييييييييه

عنوود : يا بنت اركدي وش فيك

سمر: محمد. . محمد

عنود : أي محمد

سمر: محمد ولد خالتي وقالب الجوال

مرام : يووووه شوفي وش ارسل بعد : انا رجل وخل المغازل عنك

سمر : ياااوووليه قوموا يلاااا بسررعه ضفوا عفشكم بسرررررعه

اروى : من جد قليل العوايل ولله محمد سريع بديهه ولله ان يكشفنا

: يوووه بسرررررعه ضفوا عفشكم بشررعه

عنود : ليه عاادي

سمر : اقوول امشي وانتي ساكته ولا بعلم الخاندروا

شالوا البنات اغراضهم وطلعوا من المطاعم

رفيف : يالللللللللللله تخيلوا لو انه عارفنا

مرام : ولله ان تصير فضيحه على العاااايله أننا فاتحين البلوتوث وقاعدين نرقم

سمر : ايه بس نرقم بشرف يعني كأننا عيااال

مرام : خالاتي عاد الله من الهمجيه اللي بيفهموون اهم شي رقمنا وبس

اروى : يا وويلكم وش فيكم على اخووي ترى مو فضيحه الى هالدرجه

مرام : هه هههاااي ايه هين مو فضيحه اببددااا

اروى : يا عمررري انتي ولله انك حاقده عليه على ولا شي

مرام بمزح : ما حقدت على احد وش فيك انتي

رفيف : طيب اللحين خل نروح محل المكسرات ونجيب لنا خرابيط منه احسن من انه نروح مشوارين لسوبر ماركت

سمر : ايه ولله مشتهيه حب انا

اروى : عاااد انتي عشقك الحب

رفيف : اووكي يالله الحقوني انا حافظه الموول حفظ

عنود : اووكي

وهم يمشون ورى رفيف ..

اروى : وش عندك دايم تروحين له

رفيف : اشوووف حبيبي هنا

سمر : ولله انكم سافلات انتي وعنود مين تشوفين بيكهام ولا براد بيت

رفيف : ولا واحد اشووف تاركان

سمر : آآآآآآآآه يا تاركان قلبي مع انه خكرر بس يهبل ابن اللذين

مرااام : على طاري تاركان ما تلاحظون محمد يشبه له مرره نسخه

سمر : ايييييه ايييييييه ولله يلعن ابوو التشبيه يا مرام

اروى : دايم اقولكم بس ما حولي احد

مرام : ولله ويوم شفته عن قريب حسيته زيه بضبط بس عاد محمد مو عيونه خضر مثل ذاك الأطخم . .

رفيف: احلللى البنت بتعشق

مرام : كووولي كبر راسك انا محد تربع على عرش قلبي

رفيف: العبي على غيري وااااجد اللي تربعوا

مرام : تكلمي عن نفسك . .

عنود ما تتكلم واجد لانها مررهقه شوي طول اليوم برا البيت

عنود : رفيف من جد طووولنا وينه هذا

رفيف : وهذاااانا وصلنا

عنود : ااااااااااخييييييييييييراااااااااااااا

دخلوا البنات المحل نرجع لماجد ما جتنا اخباره خل نروح نشوفه

ماجد دخل المحل الأجهزه ووقف عند البياع بس فيه زي المكتب المحاسبه يفصل بينه وبين البياع . .

ماجد : مرررحبا

البياع : هلا طال عمرك

ماجد : الله يحفظك بغيت سماعات ووصله بلوتوث للكمبيوتر

البياع : ابشر طال عمرك دقيقه بس

المحل كان مو زحمه ولا فاضي كان فيه شخصين وحرمه ومتوزعين في المحل

ماجد كان ينتظر البياع وواقف . .

دخلت وحده لابسه عباة العاذريه وكانت العبايه اغلبها مطرز بذهبي وشكلها مرره فخم البنت طووويله وحاطه اللثمه ومكياج كاامل ذهبي وكحل عريض كانه مكياج عروس شكلها كانها اميررره بوسط قصرها شكلها جدااا مبالغ فيه وماله داعي معاها كيسه فخممه من باتشي وشنطها سوداء جلد ومو كبيره حيييل وعطرها يسبقها

كانت مللفته جدااا

اول ما دخلت شافت ماجد قبالها ومعطيها ظهره

بس مجرد ماشافت جسمه الجثه تقدمت ووقفت جنبه وكأنها تبي تشتري اي حاجه

استغرب مين ذي اللي ووقفت جنبه حس بأحد جنبه بس ما التفت ولا ناظر حتى
طنش الموضوع ما تهمه الأشكال هاذي

هي اعجبتها شخصيته الثقيله بالعاده الشباب يركضوون ركض ورى الأشكال هاذي الا هذا وش معنى هذا يعني

البياع حط الأغراض قدام ماجد: هذا طلبك . .

ماجد : ايه تسلم شوف لي الحساب

البياع متنح في البنت اللي جنب ماجد ولا سمع له

البياع وعيونه مفنجله : تامرين شي اختي

البنت بصووت ناااعم فضيييع : شوف حساب رجال هو جاي اول

البياع وهو نفس شكله ما تغير و عيونه مفنجله : ابشرري تامرين امر

ماجد استغرب ليه متنح في الحرمه كذا لهادرجه شكلها شي يعني ماحب يلتفت في عقل يوزن بلد

حس بيد نااااااااااااااعمه ودااافيه تمرر اصابعها في يده

ماجد في نفسه : ووجع خيرر ان شاء الله وين عايشين حنا

بس ما قدر يكابر نعوومه وانوثه طاغيييه ومع ذالك كان يبي يتلفت ويصطرها كف

تركت يده وطلعت وعطرها يلحقها هاذي حال الصايعات اللي في مولاتنا

ماجد ناظر في يده اللي مسكتها ورقه ايووه ترررقيم ضعيفات النفوس صاروا هم اللي يلاحقون الرجال وانقلبت الأيه . .

البياع : الحساب 130

ماجد طلع الفلوس ورماها على الطاوله واخذ الأغراض ومشى ووجهه مصفوق من اللي صار
طلع من المول بسررعه وفيه رجفه خفييفه ركب سياره بدر ودق على محمد

محمد :الووو

ماجد : هلا بسررررعه ناد بدر وتعالوا خل نرجع

محمد : طي بوش فيه صوتك

ماجد : مافيه شي انتم تعالوا بسررررعه بس خالتي سهام تبينا نساعدهم في ترتيب الأستراحه

محمد : طيب مع انه الجو مكييف عندي انا وبدر بس ما عليه

ماجد : يلا انتظركم عجلووا تكفوون . .

محمد : ان شاء الله

ماجد : زين مع السلامه

ماجد سكر التليفون وفتح الورقه اللي كانت بيده

*******050حاكيني . .

ماجد عمرره في حياته ما التفت للحريم او لهاشي كان يستحقره اساساَ ويحس ماله داعي هذا كل حياته كانت دراسه وطموحات آآحلام مالها نهايه ماجد يدرس اقتصاد وعنده ماجستير فيه ما حصل وضيفه لامنه يتاجر في الأسهم ويطلع ذهب محد يدري فيه الا هو اللي صار اليوم قلب حياته ميه وثمانين درجه صحيح استحقر البنت وحسها حيوااانه وبنت شوارع وما تربت بس ايده لمست ايدها و متعلقه بنعومتها وانوثتها عمره مالمس شي حنون ودافي وناعم زي اللي لمسه اليوم \\ ماجد قاااسي صلب ما يحس كل حياته شغل وتخطيط عمره ما التفت لغرائزه او لشهواته ماشي سيدا وماعليه من احد